Vardy sendir stuðningsfólki skilaboð

Leicester hefur skorað 27 mörk á deildartímabilinu og hefur hinn 38 ára gamli Jamie Vardy átt beinan þátt í 10 þeirra.

„Ég veit ekki hvað ég get sagt, það eru ekki til orð sem munu nokkurn tímann getað lýst þeim reiðis- og sorgartilfinningum sem ég hef fundið fyrir á þessu tímabili. Það eru engar afsakanir. Við brugðumst og við höfum engan stað til að fela okkur á," segir meðal annars í yfirlýsingu frá Vardy, sem er fyrirliði félagsins.

„Ég hef verið hérna í svo langan tíma og upplifað ótrúlega sigra, en þetta tímabil hefur ekki verið neitt nema ömurlegt fyrir okkur sem lið og gjörsamlega vandræðalegt fyrir mig sem einstakling. Þetta er mjög sárt og ég veit að þið finnið það líka.

„Til stuðningsmanna: Ég er miður mín. Mér þykir leitt að við höfum ekki staðið okkur og mér þykir leitt að við þurfum að enda þetta tímabil svona ömurlega."

Leicester tók á móti verðandi meisturum Liverpool um helgina og tapaði 0-1 á heimavelli án þess að eiga marktilraun á rammann.

View this post on Instagram

A post shared by Jamie Vardy (@vardy7)