Stjarnan og FH áttust við í nágrannaslag á Samsungvellunum í Garðabæ í kvöld sem endaði með 2-2 jafntefli.
Spurður út í fyrstu viðbrögð eftir leik svaraði Guðni Eiríksson þjálfari FH,
„Alltaf svekktur að vinna ekki leik og það eru fyrstu viðbrögð. Að sama skapi bara það sem við áttum skilið í raun úr þessum leik. Það var ekkert meira en þetta og við verðum bara að virða stigið.“
Lestu um leikinn: Stjarnan 2 - 2 FH
Aðpurður um þreytu eða spennufall eftir bikarleikinn á laugardaginn svaraði hann
„Það var ekki spennufall en það var þreyta, bara mikil þreyta, þetta er fjórði leikurinn á tólf dögum og leikurinn á laugardag fór í framlengingu og tók rosalega mikla orku og það sýndi sig í kvöld að það var lítið eftir á tanknum hjá mörgum leikmönnum FH liðsins. Þær sem kláruðu leikinn og spiluðu 90 mínútur þær áttu lítið sem ekkert eftir á tanknum. Þær sem fóru útaf voru síðan algjörlega búnar fyrir utan meiðsli sem var forsenda breytinga í hálfleik.“
FH lenti undir tvívegis í kvöld og sýndi mikinn karakter og jafnaði í bæði skiptin,
„það er einhvern veginn hugarfar leikmanna og mindsettið er á þann veg að liðið getur ekki tapað og þegar við fáum á okkur mark þá er alltaf í kollinum að við séum að fara að skora á móti. Þegar þú ert þannig innstilltur að þú getir ekki tapað leik þá koma lið til baka, þannig það er ekkert sem brýtur okkur niður.“
Athygli vakti á dögunum, þegar í ljós kom að Thelma Karen Pálmadóttir hefur verið undir smásjá ítalska félagsins Roma
„Þó að þessi frétt hafi komið í gær minni mig eða fyrradag þá er hún í raun gömul frétt og það er þónokkuð síðan þetta fór á stað. En á hvaða stigi það er og hvað það leiðir veit ég ekki, það verður bara að koma í ljós. Thelma er bara gríðarlega efnilegur leikmaður og hún mun klárlega fara út í atvinnumennsku, hvenær sem það verður.“
„Það er klárt mál að ef hún helst heil að þá fer hún út og þá þarf að vanda valið vel.
Viðtalið í heild má finna í spilaranum hér að ofan
