Jón Þórir, þjálfari Fram stýrði sínum mönnum í hádramatísku 2-1 tapi gegn Grindavík í Safamýrinni í kvöld. Framarar voru ýfið betri í leiknum en inn vildi boltinn ekki og fengu þeir sigurmark leiksins í andlitið á 93 mínútu leiksins.
Lestu um leikinn: Fram 1 - 2 Grindavík
"Þetta var virkilega svekkjandi eftir þessa yfirburði og þá sérstaklega í seinni hálfleik en þessi leikur snýst um að skora mörk og í dag skoraði Grindavík meira en við og við náðum ekki að nýta færin sem við fengum í seinni hálfleiknum og því fór sem fór"
Framarar stýrðu stórum parti af seinni hálfleiknum og óðu í færum en þeim gekk illa að ná skoti á markið.
"Við fengum alveg góð færi til að skora og stundum vantaði bara aðeins uppá að klára færin betur en það sem mér finnst hafa farið úrskeiðis er að við vorum of oft að reyna einhverja úrslitasendingu í gegn þegar við hefðum bara þurft að koma boltanum út í breiddina og koma með hann fyrir markið"
Fred framlengdi í dag við Fram til næstu tveggja ára en hann var búinn að vera í umræðunni síðustu daga eftir að hafa fengið auka leik í bann við litla hrifningu Framara.
Viðtalið má sjá í heild sinni hérna fyrir ofan
