Undir lok leiks Víkings og KR í Bestu deild karla í gær kom upp atvik í áhorfendastúkunni þar sem einstaklingur þurfti læknisaðstoð. Læknar og sjúkraþjálfarar liðanna mættu í stúkuna og þá var sjúkrabíll kallaður á vettvang.
„Við þá gesti Víkinnar sem urðu vitni að atvikinu viljum við koma því á framfæri að einstaklingurinn sem um ræðir er við góða heilsu. Einnig viljum við koma á framfæri þakklæti í garð þeirra sem brugðust hratt við og aðstoðuðu einstaklinginn og aðstandendur af einstakri nærgætni," segir í tilkynningu frá Víkingi sem birt er á samfélagsmiðlum félagsins.
„Fjölskylda viðkomandi vill koma þökkum á framfæri til allra sem að þessu komu. Víkingur sendir fjölskyldunni einnig sínar bestu kveðjur."
Athugasemdir
