Jose Mourinho, nýráðinn stjóri Tottenham, situr þessa stundina fyrir svörum á fréttamannafundinn. Mourinho byrjaði fundinn á að koma með hlý orð um forvera sinn Mauricio Pochettino sem var rekinn í fyrradag.

„Fyrst verð ég, með smá sorg í hjarta, að ræða um Mauricio," sagði Mourinho á fréttamannafundinum.

„Ég verð að hrósa honum fyrir vinnuna sem hann vann hér. Þetta félag verður alltaf heimili hans. Þetta æfingasvæði verður alltaf æfingasvæðið hans, hann getur komið hingað hvenær sem hann vill."

„Dyrnar eru alltaf opnar fyrir hann og miðað við reynslu mína þá kemur nýr dagur á morgun og hann mun finna ánægjuna á nýjan leik."

„Hann mun finna frábært félag aftur og hann á frábæra framtíð fyrir höndum. Hann verður alltaf velkominn."

Fyrsti leikur Tottenham undir stjórn Mourinho verður í hádeginu á laugardag gegn West Ham.

🇵🇹 José Mourinho started his Tottenham press conference praising the work of Mauricio Pochettino, saying Spurs will always be his home and he is welcome back any time.

(🎥 @HaytersTV) pic.twitter.com/vTi6jyS2At

— The Coaches’ Voice (@CoachesVoice) November 21, 2019

Tweet

Senda a Facebook Hafdu samband Senda frétt Prenta frétt Frétta leit