Fótbolti.net

Siggi Hall: Ég er búinn að æfa heima

Túfa um Sigga Lár: Það er ekki í neinum klúbbi ég eða þú

Haddi: Virkilega góður dagur fyrir KA

Kjartan Henry um þjálfarastöðu FH: Mér skilst að það sé búið að ráða í þá stöðu

Siggi Lár ósáttur við viðskilnaðinn: Ég er búinn að reyna að tala við stjórn Vals í allt sumar

Hallgrímur Mar: Var búinn að hugsa um þetta fyrr í leiknum

„Vorum á botninum og höfðum engu að tapa“

Hrannar Snær: Verðum að vona það besta

Segir markmann ÍBV hafa eiginlega kýlt sig og Láka saka sig um dýfur

„Bara eins og maður hafi verið stunginn"

Lárus Orri: Hélt ég myndi ekki standa skælbrosandi á KA vellinum eftir að hafa tapað 5-1

Eiður Aron að flytja suður - „Væri frábært að skilja við liðið í efstu deild og í Evrópukeppni"

Láki fékk rautt - „Finnst allt í lagi að manni sé sýnd virðing“

Jón Þór: Þá skiptir það ekki fokking máli

Óskar lætur stöðutöfluna ekki skilgreina líf sitt - „Sef vel á nóttunni og vakna glaður“

Óskar Borgþórs hótaði að rífa sig úr að ofan - „Það var bara til að æsa aðeins"

Evrópusætið ekki lengur í höndum Breiðabliks - „Ömurleg tilfinning"

Sölvi Geir virkilega ánægður: Hefur reynst okkur erfiður útivöllur í gegnum tíðina

Samantha: Vildum sýna að við eigum titilinn skilið

Guðni: Hún mun nýtast land og þjóð vel í komandi framtíð

þri 22. apríl 2025 14:45

Guðmundur Aðalsteinn Ásgeirsson

Jón Þór: Vallarmálin á Akranesi mjög vandræðaleg og leiðinleg

Jón Þór Hauksson, þjálfari ÍA.

Mynd: Fótbolti.net - Hafliði Breiðfjörð

Frá Akranesvelli.

Mynd: Fótbolti.net - Elvar Geir Magnússon

„Við höfum spilað marga leiki við Aftureldingu á undanförnum árum. Það hafa yfirleitt verið hörkuskemmtilegir leikir þar sem okkur hefur gengið vel," sagði Jón Þór Hauksson, þjálfari ÍA, við Fótbolta.net í dag þegar dregið var í 16-liða úrslit Mjólkurbikarsins.

ÍA mætir Aftureldingu á heimavelli í næstu umferð eftir að hafa lagt Gróttu að velli á dögunum.

„Þetta eru lið sem þekkja hvort annað mjög vel. Verður vafalaust hörkuleikur og skemmtilegur leikur," segir Jón Þór.

Þurfum bara nýjan völl
ÍA hefur farið ágætlega af stað í Bestu deildinni, eru með þrjú stig eftir tvo leiki. Þeir mæta næst Vestra á morgun en hann fer fram í Akraneshöllinni. ELKEM völlurinn er ekki klár í slaginn.

„Þetta verður hörkuleikur, það verður hörkubarátta eins og alltaf á milli þessara liða. Það leggst mjög vel í okkur," sagði Jón Þór en hvað finnst honum um að leikurinn fari fram í Akraneshöllinni?

„Vallarmálin á Akranesi eru bara mjög vandræðaleg og leiðinleg, leiðindarmál. Völlurinn er því miður handónýtur. Fyrst hann er ekki tilbúinn núna - við höfum unnið mikið í honum - eftir þennan vetur sem var mjög hagstæður, þá verður hann aldrei tilbúinn á þessum árstíma. Auðvitað er það fúlt að geta ekki spilað þar."

„Það jákvæða við þetta er að þetta verður eini leikurinn sem verður spilaður þarna. Það hittir þannig á að það er á móti Vestra sem hefur sennilega ekki spilað færri leiki en við í Akraneshöllinni í vetur. Það er verið að búa til skemmtilega umgjörð, margir sem eru að vinna í þessu."

Hvað þarf að breytast á Akranesi?

„Við þurfum bara nýjan völl. Við þurfum nýtt undirlag. Við erum að spila á 70 ára gömlum velli. Það hefur aldrei verið skipt um eitt eða neitt í honum. Hann er handónýtur. Við höfum undanfarin ár verið að gera allt sem við mögulega getum... því miður er ástandið hræðilegt og ekki síst fyrir okkur þar sem við spilum flesta leiki á þessum velli."

Allt viðtalið má sjá í spilaranum hér að ofan.