Sterkasta lið 20. umferðar - Ekki veikan blett að finna

Það var ekki veikan blett að finna á Víkingi þegar liðið rúllaði yfir Val í toppslagnum í 20. umferð Bestu deildarinnar. Víkingur lék á als oddi, vann 4-0 sigur á Hlíðarenda og á sex fulltrúa í Sterkasta liði umferðarinnar í boði Steypustöðvarinnar.

Arnar Gunnlaugsson og Sölvi Geir Ottesen eru þjálfarar umferðarinnar. Logi Tómasson elskar að skora gegn Val. Var hann að leika sinn síðasta leik fyrir Víking í sumar? Oliver Ekroth hefur verið trylltur í sumar. Birnir Snær Ingason og Erlingur Agnarsson skoruðu í leiknum og Aron Elís Þrándarson átti frábæran leik á miðsvæðinu.

Í raun og veru hefði verið hægt að velja allt Víkingsliðið, en við ákváðum nú að leyfa öðrum liðum að vera með.