„Við vorum að spila á móti erfiðu silfurliði Breiðabliks en mér fannst við standa okkur vel,“ sagði Þórður Þórðarson eftir að ÍA hafði lotið í gras gegn Breiðabliki á útivelli. Lokatölur leiksins voru 3-1.

„Það vantaði herslumuninn í fyrri hálfleik hjá okkur og með smá heppni hefðum við getað sett mark í fyrri hálfleiknum. En svo fengum við gott mark í síðari hálfleik. Leikurinn var fínn hjá okkur. Við vorum skipulagðar í vörninni og reyndum að sækja hratt en það vantaði bara að skapa okkur sénsa líkt og í allt sumar.“

Annað mark heimastúlkna kom úr vítaspyrnu en í aðdraganda hennar virtist leikmaður Breiðabliks handleika knöttinn.

„Mér fannst boltinn klárlega fara í hendina á henni. Hendin á henni skaust upp í loftið og boltinn datt steindauður fyrir framan hana. En dómarinn var ekki sammála því þannig þetta hlýtur að hafa verið víti.“

„Ásta stóð sig frábærlega sem og allt liðið. Við skulum ekki gleyma því að við vorum með ellefu leikmenn úr öðrum og þriðja flokk í hóp sjá okkur og þar af voru sex úr öðrum flokk í byrjunarliðinu. Stelpurnar eiga stórt hrós skilið. Framtíðin er björt á Skaganum.“

Viðtalið má sjá í heild sinni hér að ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit