Malen, Maguire, Rashford, Greenwood, Yoro, Eriksen og fleiri góðir í slúðri dagsins
   lau 23. janúar 2021 15:27
Guðmundur Aðalsteinn Ásgeirsson
Frakkland: Þrír Íslendingar spiluðu fyrir Le Havre - Fyrsti leikur Svövu
Andrea spilaði sinn fyrsta leik með Le Havre.
Andrea spilaði sinn fyrsta leik með Le Havre.
Mynd: Fótbolti.net - Hafliði Breiðfjörð
Það voru hvorki meira né minna en þrír Íslendingar í byrjunarliði Le Havre í frönsku úrvalsdeildinni í dag.

Andrea Rán Snæfeld Hauksdóttir, Anna Björk Kristjánsdóttir og Berglind Björg Þorvaldsdóttir voru allar í byrjunarliði Le Havre og spiluðu þær allan leikinn gegn Issy á heimavelli.

Svo fór að leikurinn endaði með markalausu jafntefli en Le Havre er á botni frönsku úrvalsdeildarinnar. Berglind skoraði í uppbótartíma en markið var dæmt af vegna rangstöðu.

Le Havre hefur ekki átt góðu gengi að fagna en liðið hafði tapað átta leikjum í röð fyrir leikinn í dag. Þetta var fyrsti leikur liðsins á nýju ári og fyrstu leikur Andreu með liðinu.

Þrátt fyrir slakt gengi að undanförnu er liðið aðeins tveimur stigum frá öruggu sæti og nægur tími til stefnu.

Bordeaux vann öruggan 7-1 sigur á Reims í frönsku deildinni. Þar kom Svava Rós Guðmundsdóttir inn af bekknum eftir rúman klukkutíma. Hennar fyrsti leikur fyrir félagið sem er í þriðja sæti.
Athugasemdir
banner
banner