„Ég er hundfúll með úrslitin og að detta úr þessari keppni," sagði Jón Sveinsson, þjálfari Fram, eftir tap gegn ÍA í 32-liða úrslitum Mjólkurbikarsins.

„Við gáfum of mikið forskot í upphafi leiks til að ná. Við fengum fullt af tækifærum til að skora og mér fannst við heilt yfir vera sterkara liðið í leiknum."

Lestu um leikinn: ÍA 3 -  0 Fram

Skagamenn komust í 3-0 eftir rúmar 20 mínútur. Það voru gerðar átta breytingar á liði Fram, sem er á toppi Lengjudeildarinnar.

„Það eru einhver meiðsli og einhverjir þreyttir. Við erum með öflugan og breiðan hóp. Það er ekki eins og við höfum verið að henda inn óreyndum 2. flokks guttum í þennan leik. Við ætluðum að koma hingað og halda áfram í bikarnum. Það er mikil törn framundan og við þurfum að vera klárir í hana."

Jón segir að aðaláherslan sé auðvitað á deildinni þar sem Fram ætlar sér að komast upp í Pepsi Max-deildina. Allt viðtalið má sjá hér að ofan.

Tweet

Senda a Facebook Hafdu samband Senda frétt Prenta frétt Frétta leit