Spænski miðjumaðurinn Rodri lét reka sig af velli í 2-0 sigri liðsins á Nottingham Forest í ensku úrvalsdeildinni í dag, en Pep Guardiola, stjóri Manchester City, var afar óánægður með þennan reynslumikla leikmann.
Rodri, sem var hetja Man City í úrslitaleik Meistaradeildar Evrópu í lok síðasta tímabils, lét skapið fara með sig í gönur.
Miðjumaðurinn var í baráttu við Morgan Gibbs-White við hornfánann og var Rodri greinilega eitthvað ósáttur með hörkuna í Englendingnum sem endaði með því að hann tók hann hálstaki eftir smá ryskingar.
Rodri fékk verðskuldað rautt spjald fyrir en Guardiola vonar að hann muni draga lærdóm af þessu.
„Vonandi mun Rodri læra af þessu. Hann verður að hafa stjórn á tilfinningum sínum,“ sagði Guardiola.
„Þetta er það sem hann verður að gera. Ég get fengið gult spjald, en Rodri má það ekki. Ég spila ekki og þess vegna verða strákarnir sem eru inn á að vera varkárir. Ég get ekki stjórnað sjálfum mér, en ég spila ekki. Bráðum verð ég upp í stúku vegna of margra gulra spjalda,“ sagði Guardiola um málið.
Athugasemdir
