Barcelona var að vinna fjórða deildarleikinn í röð er liðið heimsótti fallbaráttulið Elche í dag.

Barca var við stjórn allan leikinn en náði ekki að gera út um viðureignina fyrr en undir lokin.

Frenkie de Jong kom Börsungum yfir skömmu fyrir leikhlé og innsiglaði Riqui Puig sigurinn á 89. mínútu.

Barca er í þriðja sæti, með 37 stig eftir 19 umferðir. Börsungar eru sjö stigum eftir toppliði Atletico Madrid sem á tvo leiki til góða.

Elche 0 - 2 Barcelona
0-1 Frenkie de Jong ('39)
0-2 Riqui Puig ('89)

Osasuna kom þá á óvart og skellti Granada er liðin mættust í dag.

Ante Budimir setti tvö í fyrri hálfleik en gestirnir frá Granada komust inn í leikinn í síðari hálfleik þegar Suarez Charris jafnaði.

Það var hart barist en heimamenn náðu að tryggja sér sigurinn á lokamínútunum.

Osasuna fer uppúr fallsæti með sigrinum og er með 19 stig eftir 20 umferðir. Granada er í Evrópubaráttu og hefði getað jafnað Real Sociedad í Evrópudeildarsæti með sigri.

Osasuna 3 - 1 Granada
1-0 Ante Budimir ('27)
2-0 Ante Budimir ('39)
2-1 Suarez Charris ('50)
3-1 J. Moncayola ('86)
Rautt spjald: F. Roncaglia, Osasuna ('88)

Í B-deildinni var Diego Jóhannesson Pando ónotaður varamaður er Real Oviedo gerði markalaust jafntefli við Logrones.

Oviedo er um miðja deild með 28 stig eftir 22 umferðir.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit