Fúsi stýrði Leiknisliðinu til fyrsta sigurs tímabilsins
Leiknir úr Breiðholti sótti mikilvægan fyrsta sigur í Inkasso deildinni þegar nágrannar þeirra ÍR komu í heimsókna á gervigrasið á Leiknisvelli. Vigfús Arnar Jósepsson aðstoðarþjálfari liðsins var í brúnni í dag í ljósi brottvikningar Kristófers Sigurgeirssonar í byrjun vikunnar.
“Við fórum svolítið í grunngildin – við höfum verið að tapa leikjum á því að klikka á grunnatriðunum, dekkning, vinna annan bolta, og þessi litli atriði og við vorum svolítið að fókusera á þau og að klára þau vel” svaraði Fúsi aðspurður um hvaða hluti var lagt upp með fyrir leikinn mikilvæga.
“Við fórum svolítið í grunngildin – við höfum verið að tapa leikjum á því að klikka á grunnatriðunum, dekkning, vinna annan bolta, og þessi litli atriði og við vorum svolítið að fókusera á þau og að klára þau vel” svaraði Fúsi aðspurður um hvaða hluti var lagt upp með fyrir leikinn mikilvæga.
Lestu um leikinn: Leiknir R. 3 - 1 ÍR
“Við vildum vera svo aðeins áræðnari á að spila vel – halda boltanum og halda í hann og búa til eitthvað á síðasta þriðjung – búa til færi og það gekk bara svona helvíti vel í dag” bætti hann svo við.
Leiknisliðið gerði vel og refsaði ÍR liðinu fyrir einstaklingsmisstök og sat á tveggja marka forystu í hálfleik. Svo í síðari hálfleik dró til tíðinda þegar Jóhann dómari leiksins dæmdi vítaspyrnu.
“Frá mínu sjónarhorni var þetta bara pjúra víti og reyndar í fyrsta skipti sem ég sé leikmann fá víti fyrir að spila góða vörn – góð boltapress og kemst framfyrir manninn og víti frá mínu sjónarhorni” sagði Fúsi um vítaspyrnuna.
Lokamínúturnar voru spennuþrungnar þar sem gestirnir voru aðgangsharðir og hefði ef til vill með smá heppni getað minnkað muninn enn frekar.
“Ekkert stress – kannski örlítið, það er kannski fylgifiskur að vera í smá brekku og sjálfstraustið kannski ekki alveg í botni, menn verða kannski aðeins passífir og hraðinn dettur aðeins niður. Við duttum aðeins niður en við héldum áfram að dekka vel og þessi grunngildi sem við töluðum um áðan – þau voru bara í fínu standi”
Sökum tæknilegra mistaka er viðtalið því miður ekki í landscape og er beðist forláts á því en viðtalið í heild sinni má nálgast í spilaranum hér að ofan.
Athugasemdir
