Valur mætti ÍBV á N1 vellinum Hlíðarenda í dag þegar áttunda umferð Bestu deildarinnar hélt áfram göngu sinni.
Valsmenn komust yfir þegar tæpur hálftími var liðinn og eftir það varð þetta aldrei spurning.
Lestu um leikinn: Valur 3 - 0 ÍBV
„Ánægður með sigurinn og ánægður að halda markinu hreinu" sagði Tufa þjálfari Vals sáttur eftir leikinn í dag.
„Mér finnst fyrri hálfleikur vera bara góð frammistaða hjá okkur. Tók smá tíma og þolinmæði að skora fyrsta markið. ÍBV eru vel skipulagðir en vissulega í dag án nokkra lykilmanna"
„Eftir að við skorum fyrsta markið þá kemur annað markið beint í kjölfarið og þá var þetta aldrei spurning eftir það"
„Aðalmarkmiðið í dag hjá okkur var að halda markinu hreinu og eitthvað sem hefur vantað hjá okkur í sumar og vonandi getum við byggt ofan á það"
Eftir að Valur náði tveggja marka forskoti virkaði eins og trú ÍBV um að fá eitthvað úr þessum leik færi.
„Við náum bara algjörlega stjórn á leiknum. Fengum ekki skyndisóknir á okkur sem er gríðarlega mikilvægt þegar þú spilar á móti ÍBV. Það er svona þeirra styrkleiki og í seinni hálfleik þá í raun notum við bara reynsluna okkar til að loka leiknum og sækja þennan sigur og þrjú stig"
Nánar er rætt við Tufa í spilaranum hér fyrir ofan.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 14 | 9 | 3 | 2 | 26 - 14 | +12 | 30 |
| 2. Breiðablik | 15 | 9 | 3 | 3 | 27 - 20 | +7 | 30 |
| 3. Valur | 14 | 8 | 3 | 3 | 37 - 19 | +18 | 27 |
| 4. Fram | 15 | 7 | 2 | 6 | 23 - 19 | +4 | 23 |
| 5. Stjarnan | 15 | 6 | 3 | 6 | 25 - 26 | -1 | 21 |
| 6. Vestri | 15 | 6 | 1 | 8 | 13 - 14 | -1 | 19 |
| 7. Afturelding | 15 | 5 | 4 | 6 | 18 - 20 | -2 | 19 |
| 8. FH | 15 | 5 | 3 | 7 | 25 - 20 | +5 | 18 |
| 9. ÍBV | 15 | 5 | 3 | 7 | 14 - 21 | -7 | 18 |
| 10. KA | 16 | 5 | 3 | 8 | 16 - 31 | -15 | 18 |
| 11. KR | 15 | 4 | 4 | 7 | 35 - 37 | -2 | 16 |
| 12. ÍA | 16 | 5 | 0 | 11 | 16 - 34 | -18 | 15 |
