Bogi Ágústsson er stuðningsmaður Tottenham.
Ingimar hér til vinstri, litla flugvélin.
Það var mikill gír í stuðningsmönnum Tottenham á miðvikudagskvöld eftir að félagið vann sinn fyrsta bikar í 17 ár.
Tottenham mætti Manchester United í úrslitaleik Evrópudeildarinnar og tókst að vinna þar 1-0 sigur í frekar lokuðum leik.
Tottenham mætti Manchester United í úrslitaleik Evrópudeildarinnar og tókst að vinna þar 1-0 sigur í frekar lokuðum leik.
Stuðningsmenn Tottenham fögnuðu sigrinum auðvitað vel og sumir betur en aðrir. Hörður Ágústsson fagnaði vel með Hjamma í Keiluhöllinni og Ingimar Helgi Finnsson skemmti sér vel í faðmi fjölskyldunnar á Selfossi. Þeir voru gestir í Enski boltinn hlaðvarpinu í gær þar sem þeir gerðu upp leikinn og eftirmála hans. Ingimar sagði frá mjög skemmtilegri sögu.
„Á Ölver var tekið á móti Hjamma eins og týnda syninum," sagði Hörður en þeir fóru saman á Ölver eftir leikinn. Í bílnum á leiðinni var Hjammi að synja um Ange Postecoglou, stjóra Tottenham.
„Ég sat með mjög góðum manni áðan í hádegismat og fæ SMS. Á ég ekki bara að lesa það upp? 'Sæll Ingimar, kærar þakkir fyrir kveðjuna. Sömuleiðis, til hamingju með fyrsta bikarinn í 17 ár'. Ég hugsaði um það hvar ég hefði komið kveðju áleiðis og hver væri að senda á mig," sagði Ingimar en hann leitaði þá upp númerið.
„Það er bara Bogi Ágústsson. Þá mundi ég að ég hefði fengið þá hugmynd að hringja í Boga og óska honum til hamingju, á tólfta eða þrettánda bjór. Hann var örugglega farinn að sofa en ég las tveggja til þriggja mínútna skilaboð inn á talhólfið hans. Ég er ekki viss um að ég vilji heyra þetta en þetta voru pottþétt ótrúlega falleg skilaboð. Þvílíkur maður að senda mér SMS til baka. Hann fann tíma til að hlusta á þetta og senda mér til baka."
Bogi er líklega frægasti stuðningsmaður Tottenham, ásamt Hjálmari Erni eða Hjamma eins og hann er oftast kallaður. Það var mikið talað um Hjamma í hlaðvarpinu enda auðvelt að tileinka honum þennan sigur.
Það var bara gríðarleg gleði í Tottenham samfélaginu með þennan frábæra sigur, skiljanlega, en hægt er að hlusta á alla umræðuna í spilaranum hérna fyrir neðan og á öllum hlaðvarpsveitum.
Athugasemdir
