Fótbolti.net

Þjálfari Silkeborg: Dáist að aganum í leik KA

Fyrirliði Silkeborg: Kom mér smá á óvart að þeir æfa ekki eins og atvinnumannalið

Haddi Jónasar: Það er komin alvöru pressa á þá

Langþráður draumur KA manna rætist á morgun - „Loksins erum við komnir heim; upp á Brekku"

Gísli Gotti: Maður upplifir ekki oft svona leiki en þetta var ekkert eðlilega gaman

Bjarni Jó: Er það ekki svona sem við viljum hafa þetta?

Alli Jó: Ekki skemmtilegur leikur fyrir hlutlausan

Gabríel Aron: Það er mín upplifun

Gabríel Snær: Þeir segja að það sé algjört rugl að fara þangað

Jóhann Birnir: Vorum ekki upp á okkar besta í dag

Gunnar Már: Hrein og klár vonbrigði

Dóri um næsta verkefni - „Andstæðingur sem við getum slegið út á mjög góðum degi"

Sagan endurtekur sig vonandi ekki: „Gömlu karlarnir í gæslunni ná að hafa stjórn á þeim“

FH skrifaði söguna - „Það verður bara veisla á Laugardalsvelli"

„Svolítið bras á okkur í fyrri hálfleik"

Venni: Þetta veðmál gékk upp í dag

Arnar: Maður getur ekki verið vondur þegar menn eru að reyna að gera réttu hluti

Gústi Gylfa: Á meðan við skorum ekki mörk þá endar þetta á verstan veg

Gunnar Heiðar: Litum við bara mjög vel út og mörkin frábær

„Erfitt að kyngja þessu og vera 'humble' og 'gracefull' því við áttum eitthvað skilið úr þessum leik"

lau 24. maí 2025 22:27

Haraldur Örn Haraldsson

Sölvi dásamar Stíg Diljan: Hann er með allan pakkann

Mynd: Fótbolti.net - Hafliði Breiðfjörð

Sölvi Geir Ottesen þjálfari Víkinga var ánægður með úrslit kvöldsins eftir 2-1 sigur á ÍA.

Lestu um leikinn: Víkingur R. 2 - 1 ÍA

„Þetta var flottur leikur, ánægður fyrst og fremst með þrjú stig. Það var mikil harka í leiknum, hart barist. Mér fannst við vera með stjórnina á leiknum samt sem áður mest megnið af leiknum. Þeir sköpuðu svo sem ekki mikið. Við vorum klaufar að fá þetta mark á okkur, þá klikkum við bara í stöðu fyrir utan teiginn. Annars áttu þeir eitt stangaskot, við vorum ekki nógu þéttir þegar við vorum að fá skyndisóknir á okkur. Pressan var aðeins off í fyrri hálfleik sem við löguðum síðan í seinni hálfleiknum. Annars fannst mér við stjórna þessum leik, og áttum þennan sigur fyllilega skilið. Við hefðum klárlega getað skorað fleiri mörk líka," sagði Sölvi.

Víkingar fá klaufalegt mark á sig beint úr hornspyrnu sem þeir áttu. Þá nær Haukur Andri að sleppa í gegn þar sem það var enginn leikmaður Víkings tilbúinn að verjast eftir hornið.

„Við erum með þrjá fyrir utan og þeir eru í svona 'rest defense' (hvíldar varnarstöðu) sem eiga að verja skyndisóknina á okkur. Stundum gerist það að hann dettur fyrir utan og einn fer að skjóta. Þá þurfa hinir sem eru fyrir utan ekki að horfa á skotið heldur að koma sér fyrir aftan skotið. Því hann getur alltaf farið í mann, eins og við sáum bara í leiknum. Þannig við lærum bara af því, þetta er bara svona óhappalegt mark sem getur gerst."

Stígur Diljan Þórðarson kom til Víkings fyrir þetta tímabil en hann skoraði sitt fyrsta mark í meistaraflokks leik í kvöld.

„Hann er búinn að koma inn með rosalega miklum krafti. Hann fer út frá okkur 15 ára og fer til Benfica. Hann fær góðan skóla þar og kemur til baka dálítið eins og karlmaður. Hann er bara búinn að hrífa okkur Víkinga rosalega mikið. Hann hefði sennilega átt að vera búinn að skora fyrr í keppnisleik en það kom núna í dag, og við erum bara mjög ánægðir með það. Þetta er bara rosalega flottur leikmaður, alhliða leikmaður, getur haldið í boltann, getur tekið menn á. Hann er stór, getur unnið menn í skallaboltum, svo er hann líka bara með góðan leikskilning og gott auga fyrir spili. Hann er með bara allann pakkann, og ég gæti haldið áfram að hrósa honum."