Janne Andersson, landsliðsþjálfari Svíþjóðar, óttast að Victor Lindelöf muni þjást aftur af meiðslum í baki ef hann fær ekki hvíld í gegnum leikjaálag Manchester United.

Lindelöf kom úr landsleikjaglugganum og spilaði allan leikinn í 1-0 sigrinum gegn West Brom á laugardagskvöld.

Lindelöf spilaði tvo leiki fyrir Svía í landsleikjaglugganum og hefur spilað fimmtán leiki fyrir land og lið á þessu tímabili. En hann hefur spilað í gegnum vandamál í baki sem gerðu það að verkum að hann missti af Meistaradeildarleiknum gegn Istanbúl Basaksehir fyrr í þessum mánuði.

„Hann spilar sunnudag, miðvikudag, laugardag, þriðjudag og svo mætti áfram telja. Hann fékk varla neitt frí á milli tímabila núna. Það kemur mér á óvart að það séu ekki fleiri leikmenn sem eru meiddir. Það kemur líka á óvart að það hefur ekki verið meiri umræða um þetta frá heilsufræðilegu sjónarmiði," segir Andersson.

„Þetta er ótrúlega erfitt fyrir leikmenn og þeir eru að spila mjög erfiða leiki aftur og aftur. Ég vona svo sannarlega að Victor nái að losna við bakvandamálið og fái tíma til að ná sér að fullu."

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit