Lengjubikarinn: Blikar kláruðu Eyjamenn undir lokin

Breiðablik vann 2-0 sigur gegn ÍBV í Lengjubikarnum í dag, leikið var á Kópavogsvelli.

Það vantaði nokkra öfluga leikmenn í Blikaliðið, þar á meðal Brynjólf Andersen Willumsson sem var frá vegna bakmeiðsla. Hjá ÍBV byrjaði Gary Martin á bekknum en hann er nýkominn aftur til landsins.

Breiðabliki gekk illa að opna Eyjavörnina en bæði mörk leiksins komu á lokakaflanum. Gísli Eyjólfsson skoraði eftir stoðsendingu Jasons Daða Svanþórssonar og varamaðurinn Guðjón Pétur Lýðsson skoraði svo af vítapunktinum eftir að Viktor Karl Einarsson krækti í víti.

Smelltu hér til að skoða skýrslu leiksins af vefsíðu KSÍ.

Blikar eru á toppi riðilsins með fullt hús eftir þrjá leiki en ÍBV er stigalaust á botninum.