Gavi, sem er 17 ára gamall, er búinn að vinna sér inn fast sæti í byrjunarliði Barcelona.

Þrátt fyrir ungan aldur er hann einnig kominn á miðsvæðið hjá spænska landsliðinu og því mikið efni hér á ferð.

Hann hefur undanfarnar vikur verið í samningaviðræðum við Barcelona en þær viðræður eru á lokastigi.

Gavi hefur verið orðaður við stórlið á borð við Chelsea en félagið ætlar ekki að leggja fram tilboð. Gavi mun skrifa undir nýjan fimm ára samning við Barcelona og fær verulega launahækkun.

Hann hefur spilað ellefu deildarleiki með Barcelona á þessari leiktíð og lagt upp eitt mark.