„Það var frábært að vinna, okkur hefur klæjað í puttana að vinna leik og það var gott að ná því," sagði Katie Cousins leikmaður Þróttar eftir 1 - 5 sigur á Stjörnunni í kvöld.
Lestu um leikinn: Stjarnan 1 - 5 Þróttur R.
„Það er stemmning í búningsklefanum og allar glaðar og loksins náðum við heilum leik af góðri frammistöðu eins og Nik (Chamberlain þjálfari) sagði og vonandi koma fleiri sigrar fljótlega."
Eftir að hafa verið 0 - 2 yfir í hálfleik átti Þróttur frábæran seinni hálfleik og kláraði leikinn 1 - 5.
„Við áttum gott samtal í búninsklefanum, við vorum að leggja okkur Fram og Nik sagði að við þyrftum að fara með sjálfstraust út og spila betur og við gerðum það."
Cousins kom til Þróttar frá Bandaríkjunum í vetur þar sem fótboltinn er kallaður soccer.
„Þetta hefur verið frábært, mér finnst liðsfélagarnir frábærar, gott fólk og gaman að vera með þeim. Það er nokkuð liðið síðan ég spilaði það sem þið kallið fótbolta. Ég er að njóta mín vel. Ég spilaði síðast fótbolta í nóvember 2019 og hef síðan unnið í kristnum söfnuði síðan ég útskrifaðist úr háskólanum."
Athugasemdir