26.07.22 - 05:55
Ívan Guðjón Baldursson
EM kvenna í dag - England og Svíþjóð í undanúrslitum
Mynd: EPA
Mynd: EPA
Það styttist í lok Evrópumóts kvenna sem hefur boðið upp á mikla skemmtun í sumar.
Í kvöld eigast England og Svíþjóð við í fyrri undanúrslitaleik mótsins sem verður spilaður á Bramall Lane í Sheffield.
Heimakonur í enska liðinu höfðu betur gegn gífurlega sterku spænsku liði í síðustu umferð á meðan Svíar rétt mörðu Belga í leiðinlegum leik.
England komst síðast í úrslitaleik Evrópumóts 2009 og Svíþjóð 2001 og verður viðureign kvöldsins afar spennandi.
Þýskaland mætir Frakklandi í hinum undanúrslitaleiknum annað kvöld og úrslitaleikurinn verður svo á sunnudag.
Leikur kvöldsins:
19:00 England - Svíþjóð
