Fabian Balbuena er ekki á leið í bann þrátt fyrir að hafa fengið rautt spjald gegn Chelsea um helgina. West Ham áfrýjaði spjallinu og bar sú áfrýjun ávöxt því Balbuena þarf ekki að taka út leikbann og má spila gegn Burnley í næstu umferð.

Á 81. mínútu var Balbuena, sem er leikmaður West Ham, með knöttinn og hreinsaði hann í burtu. Í kjölfarið hafna takkarnir á honum á fæti Ben Chilwell.

VAR skoðaði atvikið og ákvað að senda Chris Kavanagh, dómara leiksins, til að skoða atvikið. Hann reif upp rauða spjaldið og var David Moyes, stjóri West Ham, langt því frá að vera sáttur.

„Rauða spjaldið breytti öllu í restina. Þetta var ákvörðun frá einhverjum sem hefur aldrei spilað leikinn. Ég veit ekki hvar Balbuena á að setja fótinn."

„Þetta var galinn dómur. Ef þú skoðar atvikið hjá Vladimir Coufal Antonio Rudiger, nokkrum mínútum seinna, þá gerist það sama. Mjög svipað atvik. Ég sé ekki hvernig þetta er rautt spjald. Hann sparkar knettinum burt," sagði Moyes eftir leik.

Tweet

Senda a Facebook Hafdu samband Senda frétt Prenta frétt Frétta leit