Grétar Sigfinnur Sigurðarson.
Stjarnan fékk óvæntan 6-1 skell gegn ÍA í leiknum um þriðja sæti Fótbolta.net mótsins. Grétar Sigfinnur Sigurðarson stóð vörnina hjá Stjörnumönnum en hann gekk í raðir félagsins síðasta haust frá KR.
„Þetta var ansi sérstakt. Pirrandi þar sem við yfirspiluðum... en það er asnalegt að segja það. Fyrri hálfleikurinn hjá okkur var frábær. Þetta var stöngin út í allan dag og þeir komust svo á bragðið. Einstaklingsmistök og einbeitingarleysi hjá okkur," sagði Grétar en Stjarnan fékk fjögur mörk á sig úr föstum leikatriðum.
„Þetta var æfing. Þetta er æfingamót. Við reynum að taka þessu á jákvæðan hátt og segjum að það sé í lagi að tapa í janúar."
Viðtalið við Grétar má sjá í heild í sjónvarpinu hér að ofan en þar er hann meðal annars spurður út í hvernig fyrstu mánuðirnir í Stjörnunni hafa verið.
Athugasemdir
