Cristiano Ronaldo, fyrirliði Portúgals, var brjálaður undir lok leiks í gær en Serbía og Portúgal skildu þá jöfn 2-2 í A-riðli í undankeppni HM.
Portúgal missti tveggja marka forystu niður í jafntefli í síðari hálfleiknum en á lokasekúndu leiksins hélt Ronaldo að hann hefði tryggt Portúgal sigurinn.
Aðstoðardómarinn var hins vegar ekki sammála Ronaldo sem gjörsamlega brjálaðist. Hann hljóp í andlitið á dómaranum kvartandi og sveiflandi höndum.
Það endaði með því að hann fékk gult spjald og í lok leiks henti hann fyrirliðabandinu af sér og strunsaði inn til búningsherbergja. Hann var fljótur að tjá sig á Instagram eftir leikinn í gær.
„Að vera fyrirliðið Portúgalska landsliðsins er mitt mesta stolt og heiður. Ég gef og mun alltaf gef allt sem ég á fyrir landið mitt, það breytist aldrei. Stundum koma erfið augnablik, sérstaklega þegar okkur finnst að það hafi verið brotið á heillri þjóð. Hausinn upp og klárir í næstu áskorun. Koma svo Portúgal!" skrifaði Ronaldo á Instagram eftir leikinn.
Sjá einnig:
Voru Portúgalir rændir sigrinum? - Ronaldo trylltist
Undankeppni HM: Serbía kom til baka gegn Portúgal
Athugasemdir