Ítalía: Giroud kom Milan í Meistaradeildina

Giroud gerði eina markið á 40. mínútu með skalla eftir fyrirgjöf Davide Calabria. Tólfta deildarmark hans á tímabilinu og mikilvægt var það.

Sigurmarkið þýðir það að Milan verður í Meistaradeild Evrópu á næstu leiktíð ásamt Napoli, Inter og Lazio.

Lazio vann einmitt Cremonese, 3-2, í Róm. Elseid Hysaj og Serge Milinkovic-Savic komu heimamönnum í 2-0 en Pablo Galdames minnkaði muninn áður en Manuel Lazzari kom boltanum í eigið net.

Undir lok leiks gerði Milinkovic-Savic sigurmark Lazio og tryggði sigur. Öflugt hjá Lazio sem er í öðru sæti með 71 stig fyrir lokaumferðina.

Úrslit og markaskorarar:

Juventus 0 - 1 Milan
0-1 Olivier Giroud ('40 )

Lazio 3 - 2 Cremonese
1-0 Elseid Hysaj ('4 )
2-0 Sergej Milinkovic-Savic ('37 )
2-1 Pablo Galdames ('54 )
2-2 Manuel Lazzari ('58 , sjálfsmark)
3-2 Sergej Milinkovic-Savic ('89 )