Magnús Már Einarsson þjálfari Aftureldingar
Afturelding og ÍBV mættust í dag á Fagverksvellinum í dag og endaði leikurinn með 1-2 sigri Eyjamanna.
Lestu um leikinn: Afturelding 1 - 2 ÍBV
Magnús Már var sáttur með sína menn þrátt fyrir tapið en liðið átti meira skilið í dag.
„Blendnar tilfinningar, ég er hrikalega ánægður með strákana og frammistöðuna í dag, mér fannst við spila frábæran fótbolta en mér fannst uppskeran ekki vera eftir því."
„Við áttum meira skilið úr þessum leik fannst mér, fengum fullt af færum og hefðum átt að skora fleiri en 1.mark og það er drullu svekkjandi að fá ekki neitt út úr þessu miða við spilamennskuna, mér fannst við eiga meira skilið miða við hvað við löggðum í þetta."
Umdeilt atvik var strax á 4.mínútu leiksins er Andri Freyr átti að fá víti eftir að Halldór Páll krækir í hann þegar hann leikur á hann og var Maggi spurður út í atvikið.
„Það er risastórt atvik ég meina þetta er eftir 4.mnútur í stöðunni 0-0 og hann er sloppinn einn í gegn og tekur hann úr jafnvægi þegar hann er að fara að skjóta og það er bara vítaspyrna að mínu mati og ekkert annað."
Afturelding fer í Safamýrina í næstu umferð og mætir Fram og var Magnús spurður hvort liðið ætli sér ekki 3 stig í þeim leik.
„Já klárt mál, við mætum klárir í þann leik, ef við spilum eins og í dag þá getum við klárlega gert það."
Viðtalið í heild má sjá í sjónvarpinu hér að ofan.
