Það eru allir leikmenn Íslands klárir í slaginn fyrir Evrópumótið sem framundan er í næsta mánuði. Eins og staðan er núna þá eru allir leikmenn liðsins að æfa og í góðu standi.
Þorsteinn Halldórsson, landsliðsþjálfari, sagði frá þessu í samtali við Fótbolta.net í kvöld.
Stærsta spurningamerkið var með það hvort Guðný Árnadóttir yrði klár í slaginn en endurhæfing hennar eftir hnémeiðsli hefur gengið einstaklega vel sem eru frábær tíðindi fyrir íslenska liðið.
„Hún var með á fullu í æfingu og lítur mjög vel út. Hún er bara klár,” sagði Steini.
Ekki er útilokað að Guðný muni spila nokkrar mínútur gegn Póllandi í vináttulandsleik á morgun.
Viðtöl við Steina, Guðnýju og Öglu Maríu Albertsdóttur birtast á síðunni að vörmu spori.
Leikir Íslands á EM:
10. júlí gegn Belgíu (Academy Stadium, Manchester)
14. júlí gegn Ítalíu (Academy Stadium, Manchester)
18. júlí gegn Frakklandi (New York Stadium, Rotherham)
Athugasemdir