Öryggisgæsla verður með allra mesta móti á Wembley á laugardagskvöld þegar úrslitaleikur Meistaradeildar Evrópu fer fram. Heimamenn eru ákveðnir í að láta ruglið í kringum úrslitaleik EM ekki endurtaka sig.
Eins og flestir lesendur vita þá er algjör lukka að ekki fór verr þegar yfir tvö þúsund miðalausir aðdáendur brutu sér leið inn á Wembley án þess að hafa miða á úrslitaleik Englands og Ítalíu.
Eins og flestir lesendur vita þá er algjör lukka að ekki fór verr þegar yfir tvö þúsund miðalausir aðdáendur brutu sér leið inn á Wembley án þess að hafa miða á úrslitaleik Englands og Ítalíu.
Chris Bryant viðburðastjóri enska fótboltasambandsins segir að öryggismál í kringum komandi úrslitaleik hafi verið í vinnslu í átján mánuði og hugsað út í hvert einasta smáatriði. Meiri öryggisgæsla verði en nokkru sinni fyrr.
Hann segir að í undirbúningnum hafi einnig verið skoðað það ástand sem skapaðist þegar Real Madrid vann Liverpool í úrslitaleik Meistaradeildarinnar 2022. Tafir urðu á leiknum vegna ófremdarástands fyrir utan Stade de France í París.
Real Madrid og Borussia Dortmund mætast í úrslitaleik Meistaradeildarinnar á Wembley, klukkan 19 á laugardagskvöld.
Athugasemdir