Gylfi spilaði allan leikinn í kvöld.
Arnar Gunnlaugsson hefur heyrt í Gylfa.
Gylfi Þór spilaði allan leikinn í 3-0 tapi gegn KR í úrslitum Reykjavíkurmótsins. Gylfi segir líkamann vera í góðu standi og hann horfi á landsliðsgluggan í mars.
Lestu um leikinn: Valur 0 - 3 KR
„Ég hef verið að æfa gríðarlega mikið. Kannski ekki 100% einbeiting að vera ferskastur í leikjunum. Líkaminn er í fínu standi, hef ekki misst úr neinum æfingum."
„Ég er aðallega að horfa hvar ég er í hverri viku hvern dag, síðan sjáum við hvað gerist. Auðvitað horfir maður á landsliðsverkefnin en einbeitingin mín er á æfingar og að koma mér í stand."
„Arnar er með góða áru í kringum sig, drífur leikmenn áfram. Búinn að gera frábæra hluti með Víking síðustu ár. Ég held að hann eigi eftir að gera góða hluti."
Gylfi hefur heyrt í Arnari Gunnlaugssyni landsliðsþjálfara.
„Við höfum spjallað saman um hitt og þetta. Samband okkar hefur ekkert breyst þó að hann sé orðinn landsliðsþjálfari. Ég hef hitt hann og spjallað við hann þannig að það hefur ekkert breyst."
