Dregið var í undanúrslit Borgunarbikars kvenna í hádeginu í dag. Fylkir og Selfoss mætast í öðrum undanúrslitaleiknum. Gunnar Borgþórsson þjálfari Selfyssinga var ánægður með dráttinn en viðurkennir að draumurinn hafi verið að fá heimaleik.
,,Ég hefði viljað fá heimaleik en annars er þetta góður dráttur. Ég held að ég sé ekki að ljúga að neinum þegar ég segi að Fylkir hafi verið fyrsti kostur," sagði Gunnar Borgþórsson þjálfari Selfyssinga sem er fyrsti þjálfari félagsins sem kemur því í undanúrslit bikarsins. ,,Við fögnum því og mætum með bros á vör í undanúrslitin."
Selfoss slógu ÍBV út í vítaspyrnukeppni í 8-liða úrslitunum.
,,Þetta var dálítið tæpt. Þetta var langur og erfiður leikur en skemmtilegri fyrir vikið, eftirá að hyggja," sagði Gunni Borgþórs.
Athugasemdir
