Cecilía Rán ræðir hér við markvarðarþjálfara sinn.
Gabriel Zanon, markvarðarþjálfari kvennaliðs Inter á Ítalíu, var viðstaddur opna æfingu Íslands í Sviss í gær.
Stelpurnar okkar komu til Sviss síðastliðinn laugardag og eru núna á fullu að undirbúa sig fyrir Evrópumótið.
Stelpurnar okkar komu til Sviss síðastliðinn laugardag og eru núna á fullu að undirbúa sig fyrir Evrópumótið.
Íslenska liðið tók sína fyrstu æfingu í Sviss í gær og var hún opin almenningi. Einn af þeim fjölmörgu sem mætti á æfinguna var markvarðarþjálfari Inter.
Samkvæmt upplýsingum Fótbolta.net þá ferðaðist hann í yfir þrjá tíma til að vera viðstaddur æfinguna og ræða við fólk.
Hann ræddi til dæmis við Cecilíu Rán Rúnarsdóttur, sem hann þjálfaði hjá Inter á síðasta tímabili. Cecilía var besti markvörður ítölsku úrvalsdeildarinnar á síðasta tímabili.
Cecilía mun líklega spila með Inter áfram á næsta tímabili og þá er talið afar líklegt að Karólína Lea Vilhjálmsdóttir verði þar líka.
Leikir Íslands á EM 2025:
2. júlí, Ísland - Finnland
6. júlí, Ísland - Sviss
10. júlí, Ísland - Noregur
Athugasemdir
