Fótbolti.net

Sara ræðir heimkomuna - „Var í Lyon þegar Dóri spyr mig fyrst hvort ég sé að koma heim“

Sævar Atli ræðir brottrekstur Freys - „Fengum ekki að kveðja hann“

Erfitt að finna betri stað til að búa á en skoðar sína möguleika

Glódís afhjúpar hver stal senunni í nýliðavígslunni

Steini: Hennar að sýna að hún sé klár í að leysa þetta

„Ótrúlegt en satt að þetta nákvæmlega hafi komið upp"

Óvissa eftir geggjaðan tíma - „Tíu skref á milli okkar“

Draumurinn frá fimm ára aldri

„Alltaf mikill heiður að sjá nafnið mitt á þessu skjali"

Steig inn þegar markvörðurinn fór til Liverpool - „Lífið er geðveikt"

Karólína nýtur sín í æðislegri borg - „Smá Ítalí í mér"

18 ára að festa sig í sessi - „Þarf að drífa mig upp á herbergi að plana atriði"

Orðsporið farið stækkandi í Svíþjóð - „Þetta er annað heimili mitt"

Átti að vera árið hans Sölva - „Víkingur væri að berjast í efri hlutanum í Superligunni"

Ætlar að berjast við Árna um stöðuna - „Þurfti aðeins að klípa mig“

Venni: Fótboltinn breytist ekkert þó ég kaupi einhverja menn eða við spilum með ákveðnum hætti

Ray: Ég held að það sé bara bjart framundan hjá okkur

Kári Kristjáns: Mér líður bara ógeðslega vel hérna

Sjáðu rauða spjaldið á Brynjar Björn - „Síðasti séns að sjá þetta trix"

Sterkastur í 9. umferð - „Þetta var upp á líf og dauða fyrir okkur“

þri 30. ágúst 2022 13:46

Guðmundur Aðalsteinn Ásgeirsson
Miðgarður

Arna mætt aftur: Átta mig alveg á stöðunni sem ég er í

Arna Sif Ásgrímsdóttir.

Mynd: Fótbolti.net - Hafliði Breiðfjörð

Valsararnir Arna Sif og Ásdís Karen á æfingunni í dag.

Mynd: Fótbolti.net - Hafliði Breiðfjörð

Arna Sif Ásgrímsdóttir er mætt aftur í landsliðshópinn eftir nokkurra ára fjarveru. Hún fagnar því auðvitað að vera komin aftur í hópinn.

„Það er gríðarlega skemmtilegt. Það er alltaf mikill heiður að vera hluti af þessu liði. Tilfinningin er mjög góð," segir Arna Sif.

Miðvörðurinn öflugi hefur verið stórkostleg með Val í Bestu deildinni í sumar og var hún hluti af liðinu sem varð bikarmeistari síðasta laugardag.

„Við hittumst liðið og teymið í Fjósinu í Valsheimilinu. Við borðuðum mat og fögnuðum því mjög vel. Þetta var ógeðslega gaman. Þetta er eini titillinn sem ég átti eftir og ég er búin að eltast við hann lengi. Það var mjög ljúft að ná þessu markmiði."

Hef verið mjög róleg yfir þessu
Arna segir að það hafi verið mjög góð tilfinning að fá kallið en hún skilur alveg að aðrir leikmenn hafi verið valdir frekar í síðustu verkefni.

„Ég hef ekkert leyft mér að pæla í þessu verkefni fyrr en í gær. Það er búið að vera rosa mikið að gera hjá okkur í Val og öll einbeitingin verið þar. Það er fínt að skipta um umhverfi núna. Maður er fljótur að koma sér inn í þetta. Þetta er dagur tvö og það er allt að fara af stað," segir Arna sem gekk í raðir Vals fyrir sumarið og hefur leikið afskaplega vel þar í sumar.

„Ég hef verið mjög róleg yfir þessu. Fólk trúir því kannski ekki og heldur að ég sé rosalega svekkt heima. Það hefur ekki verið þannig. Ég hef litið á þetta sem bónus og hef eytt allri minni orku í mig og mitt félagslið. Tilfinningin var mjög góð (að fá kallið) og ég ætla að njóta þess að vera hérna."

„Staðan er bara þannig að við erum með ótrúlega mikið af góðum hafsentum og þetta er hrikalega mikil samkeppni. Ég átta mig alveg á stöðunni sem ég er í. Margar þeirra eru að spila úti á hærra stigi. Það meikar sens að þær séu frekar en ég, en það er gaman að fá tækifærið og vonandi get ég sýnt að ég á heima hérna. Það er ekki mín ákvörðun en ég get reynt það sem ég get."

„Þetta eru allt frábærir leikmenn. Það er gaman að koma í svona umhverfi og æfa við góðar aðstæður með góðum leikmönnum. Þetta styrkir mann og gerir mann betri. Mér finnst alltaf gaman að koma í svona umhverfi; þá finnur maður að maður vill alltaf aðeins meira og ýtir manni áfram," segir Arna.

Allt viðtalið er í spilaranum hér fyrir ofan en þar ræðir Arna Sif meira um verkefnið sem er framundan.