Real Sociedad er í viðræðum við FCK um kaup á Orra Steini Óskarssyni. Ítalski fjölmiðlamaðurinn, Matteo Moretto, sem starfar hjá Relevo á Spáni greinir frá.
Moretto segir að um lokatilraun spænska félagsins sé að ræða enda lokar félagaskiptaglugginn í dag.
Moretto segir að um lokatilraun spænska félagsins sé að ræða enda lokar félagaskiptaglugginn í dag.
Orri hefur verið orðaður við Sociedad að undanförnu og gaf FCK það út á miðvikudag að tilboð hefði borist frá Spáni.
Orri varð tvítugur í gær og eru augu margra félaga á honum. Hann kom inn af bekknum í gær þegar FCK tryggði sér sæti í Sambandsdeildinni.
Girona og Porto hafa einnig verið sterklega orðuð við Orra. Verðmiðinn er sagður vera um 20 milljónir evra, en mögulega hefur sú upphæð hækkað á síðustu dögum.
Athugasemdir
