Cancelo frá Man City til Bayern München (Staðfest)

Joao Cancelo í treyju Bayern.

Mynd: Bayern München

Joao Cancelo í treyju Bayern.

Mynd: Bayern München

Það er staðfest. Portúgalski bakvörðurinn Joao Cancelo hefur gengið í raðir Bayern München frá Manchester City. Hann fer til Bayern á lánssamningi en Þýskalandsmeistararnir eru með ákvæði um að geta keypt hann á 61,5 milljónir punda næsta sumar.

Spiltími þessa 28 ára leikmanns hafði farið minnkandi hjá City og fjallað var um ósætti milli hans og Pep Guardiola, stjóra City.

„Bayern er frábært félag, eitt stærsta félag heims. Það er mér mikil hvatning að spila með þessum mögnuðu leikmönnum í liði. Ég veit fyrir hvað félagið stendur, það lifir fyrir titla og vill vinna á hverju ári. Árangur drífur mig einnig áfram og ég mun gera mitt besta fyrir Bayern," segir Cancelo sem fer í treyju númer 22.

Hasan Salihamidzic, stjórnandi hjá Bayern, hafði þetta að segja við heimasíðu Bayern:

„Við erum virkilega ánægð með að Joao Cancelo muni nú spila fyrir Bayern. Hann kemur á láni en við erum með möguleika á að kaupa hann alfarið næsta sumar. Við höfum horft til Cancelo í nokkurn tíma og hrífums af hans hæfileikum. Hann passar vel inn í leikstíl okkar með sínum sóknarleik og dínamík. Hans karakter og reynsla passa einnig vel inn," segir Salihamidzic.

Bayern er á kunnuglegum stað í toppsæti þýsku deildarinnar, stigi á undan Union Berlín.

???? Unsere neue Nummer 2??2??! ????#MiaSanMia #FCBayern #ServusJoão pic.twitter.com/chWlQMwrZL
— FC Bayern München (@FCBayern) January 31, 2023

Stöðutafla

#	Lið	L	mun	Stig
1	Dortmund	4	+7	12
2	Bayern	4	+12	10
3	Freiburg	4	+9	10
4	Augsburg	4	+5	7
5	Mainz	4	+4	7
6	Werder	4	0	7
7	RB Leipzig	3	+6	6
8	Elversberg	3	+1	6
9	Frankfurt	4	-1	5
10	Leverkusen	3	+3	4
11	Schalke 04	3	-1	4
12	Köln	4	-3	4
13	Hoffenheim	3	-1	3
14	Stuttgart	4	-3	3
15	Hamburger	4	-11	3
16	Paderborn	3	-4	1
17	Union Berlin	4	-13	1
18	Gladbach	4	-10	0