Fotbolti.net
31.01.23 - 20:32
Guðmundur Aðalsteinn Ásgeirsson

Sabitzer lentur í Manchester og er í læknisskoðun núna

Marcel Sabitzer.

Marcel Sabitzer.

Canon

Mynd: Getty Images

Austurríkismaðurinn Marcel Sabitzer er lentur í Manchester og er núna staddur á æfingasvæði Man Utd, Carrington.

Þar er hann að gangast undir læknisskoðun fyrir félagaskipti sín yfir til United frá þýska stórveldinu Bayern München.
Sabitzer er fjórði kosturinn inn á miðsvæðið hjá Bayern en Leon Goretzka og Joshua Kimmich spila þar flesta leiki. Ryan Gravenberch er svo næstur í röðinni á undan Sabitzer.

Sabitzer er 28 ára Austurríkismaður sem kom til Bayern frá RB Leipzig sumarið 2021. Hann á að baki 68 landsleiki. Á þessu tímabili hefur hann skorað eitt mark í 24 leikjum í öllum keppnum með Bayern. Hann getur leyst margar stöður á vellinum en hefur oftast spilað á miðri miðjunni.

Hann kemur til með að fylla í skarðið sem Christian Eriksen skilur eftir sig á meðan hann er meiddur næstu vikurnar. Donny van de Beek er einnig frá vegna meiðsla út þessa leiktíð og mikilvægt fyrir Man Utd að fá inn miðjumann.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.