Frá Meistaravöllum, heimavelli KR.
Það styttist í það að framkvæmdir muni hefjast á Meistaravöllum og gervigras verði lagt á aðalvöll félagsins. Það eru tímamót hjá KR en það var prufuhola tekin á vellinum í dag fyrir framkvæmdir.
„Það var hönnunarhópur út í KR í dag sem er að hefja störf við að hanna völlinn. Við höfum verið í sambandi við verktaka um að taka verkið að sér," segir Páll Kristjánsson, formaður knattspyrnudeildar KR, við Fótbolta.net í dag.
„Það var hönnunarhópur út í KR í dag sem er að hefja störf við að hanna völlinn. Við höfum verið í sambandi við verktaka um að taka verkið að sér," segir Páll Kristjánsson, formaður knattspyrnudeildar KR, við Fótbolta.net í dag.
„Við ætlum að spila á gervigrasi á næsta ári," sagði formaðurinn jafnframt.
Það er þá útlit fyrir að tíu af tólf liðum Bestu deildar karla verði á gervigrasi næsta sumar.
ÍBV er einnig með plön um að leggja gervigras á sinn völl og þá verða aðeins FH og ÍA með náttúrulegt gras á sínum velli.
Í sumar voru níu af tólf liðum með gervigras í Bestu deildinni.
Besta deildin 2025:
Breiðablik - gervigras
Víkingur R. - gervigras
Valur - gervigras
Stjarnan - gervigras
ÍA - náttúrulegt gras
FH - náttúrulegt gras
KA - gervigras
KR - gervigras
Fram - gervigras
Vestri - gervigras
ÍBV - gervigras
Afturelding - gervigras
Athugasemdir
