Kolbeinn Sigþórsson leikmaður Íslands var að vanur óánægður með 0-2 tap Íslands gegn Danmörku í undankeppni Evrópumótsins. Þetta var ekki fyrsta tap Íslands gegn Danmörku og líklega ekki það síðasta.
,,Við hljótum að vinna þá (Danmörk) einhverntímann. En í dag virkaði þetta ekki, við eigum einhverntímann eftir að vinna Dani en það gekk ekki í kvöld," sagði Kolbeinn sem var nokkuð ánægður með spilamennskuna í fyrri hálfleik en spilamennskan síðan dalaði hjá liðinu í seinni hálfleik,
,,Mér fannst fyrri hálfleikurinn sérstaklega góður hjá okkur. Mér fannst við hafa mikið tak á þeim en í seinni hálfleiknum gefum við þeim mark og þá svona hrundi þetta hjá okkur, " sagði Kolbeinn sem spilaði á kantinum hjá íslenska liðinu í dag, eitthvað sem hann er ekki þekktur fyrir að spila,
,,Ég fílaði mig ágætlega. Ég er auðvitað ekki kantmaður en mér fannst ég hafa leyst þetta ágætlega, sérstaklega í fyrri hálfleik en í seinni hálfleik náði ég mér ekki á strik en yfir heildina var þetta þokkalegt."
Ísland hafa einungis fengið eitt stig í riðlinum en Kolbeinn vill einungis líta til framtíðar,
,,Við verðum bara að líta til framtíðar og nýta þessa keppni sem undirbúning fyrir næstu keppni og verða bara betri," sagði hinn ljóshærði Kolbeinn Sigþórsson sem mun vera í stóru hlutverki í Danmörku í lokakeppni U-21 árs landsliða sem hefst næstkomandi laugardag.
Viðtalið við Kolbein er hægt að horfa í sjónvarpinu hér að ofan.
