„Þetta var sannkölluð veisla af okkar hálfu og mjög kærkomið," segir Matthías Vilhjálmsson, fyrirliði FH. Hafnarfjarðarliðið var í gírnum í kvöld og vann magnaðan 7-2 sigur á Grindvíkingum.
„Það er langt síðan við höfum unnið svona sannfærandi. Við fengum mjög góða byrjun og eftir það gengum við á lagið og þetta var geðveikt gaman."
„Á svona dögum er heiður að spila fyrir FH en við þurfum að fjölga svona dögum."
„Það er allt liðið búið að leika undir getu að mínu mati en í dag sýndum við hvers við erum megnugir."
Sjá má viðtalið við Matthías í heild sinni í sjónvarpinu hér að ofan.
