Úr leiknum í Kópavogi.
„Það var svekkjandi að fá á sig þessi mörk sem komu eiginlega öll eftir föst leikatriði,“ sagði Gunnar Már Guðmundsson, leikmaður Þórs, eftir að liðið tapaði 4-1 fyrir Breiðabliki í Pepsi-deildinni í dag.
„Mér fannst við byrja allt í lagi en fáum svo þetta mark á okkur. Kári átti náttúrulega að vera rekinn útaf. Það hefði verið forvitnilegt að sjá hvernig leikurinn hefði spilast ef dómarinn hefði þorað að reka hann útaf.“
Kári skoraði fyrsta mark leiksins skömmu eftir atvikið umdeilda þar sem Þórsarar vildu sjá dæmt brot á hann og rauða spjaldið á loft.
Viðtalið við Gunnar Már má sjá í heild sinni í sjónvarpinu hér að ofan.
