Hinn hárprúði Stefan Jovetic spilar fyrir Fiorentina.
Nokkrir þekktir leikmenn leika með landsliði Svartfjallalands sem á morgun mætir Íslandi í vináttulandsleik ytra. Þeirra þekktustu leikmenn eru sóknarmenn svo ljóst er að erfitt verkefni bíður íslensku varnarinnar.
Fyrstan ber að nefna Stefan Jovetic, 22 ára framherja, sem leikið hefur stórt hlutverk hjá Fiorentina undanfarin ár. Hann hefur meðal annars verið orðaður við Chelsea en þessi leikmaður er gríðarlega skapandi og hefur skorað 7 mörk í 19 landsleikjum.
Jovetic getur spilað í holunni margfrægu og hefur oft verið líkt við Roberto Baggio.
Mirko Vucinic er 28 ára sóknarmaður sem spilar með Juventus. Hann kom til félagsins frá Roma 2011 þar sem hann skoraði 46 mörk í 146 leikjum. Hann hefur skorað 11 mörk í 24 landsleikjum.
Svo er það Andrija Delibasic, fyrrum leikmaður Real Mallorca, sem nú fyrir Rayo Vallecano. Hann er reynslumikill sóknarmaður sem spilað hefur 14 landsleiki og skorað 2 mörk.
Leikur Svartfjallalands og Íslands á morgun verður klukkan 17:00.
Athugasemdir
