Það er gríðarlega mikil spenna í ensku úrvalsdeildinni um þessar mundir þar sem hörð barátta er um síðustu sætin fyrir Meistaradeild Evrópu á næstu leiktíð.
Fimm félög eru enn að berjast um síðustu þrjú sætin í Meistaradeildinni og þá gæti áttunda sæti deildarinnar gefið þátttökurétt í Sambandsdeildinni. Brighton og Brentford eru enn í harðri baráttu um áttunda sætið fyrir lokaumferðina, þar sem Brighton nægir stig til að tryggja sér sætið.
Brighton vann góðan endurkomusigur gegn Liverpool í gærkvöldi eftir að Brentford hafði tapað heimaleik í nágrannaslag gegn Fulham á sunnudaginn. Þessi sigur gegn Liverpool gæti reynst afar dýrmætur.
Það þarf þó ýmislegt að gerast til að áttunda sætið veiti þátttökurétt í Sambandsdeildina. Það hefur verið hörð barátta um þetta sæti undanfarnar vikur en eftir að Crystal Palace vann óvænt úrslitaleik FA bikarsins minnkuðu Evrópulíkur áttunda sætisins umtalsvert.
Eina leiðin til að það verði að raunveruleika er ef Chelsea tapar eða gerir jafntefli gegn Nottingham Forest, og liðin í kring sigra sínar viðureignir, í lokaumferð úrvalsdeildarinnar um næstu helgi og sigrar svo úrslitaleik Sambandsdeildarinnar gegn Real Betis á miðvikudaginn. Það eru aðeins þrír dagar á milli leikja, þar sem lokaumferð úrvalsdeildarinnar fer fram á sunnudaginn.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 38 | 26 | 7 | 5 | 71 | 27 | +44 | 85 |
| 2 | Man City | 38 | 23 | 9 | 6 | 77 | 35 | +42 | 78 |
| 3 | Man Utd | 38 | 20 | 11 | 7 | 69 | 50 | +19 | 71 |
| 4 | Aston Villa | 38 | 19 | 8 | 11 | 56 | 49 | +7 | 65 |
| 5 | Liverpool | 38 | 17 | 9 | 12 | 63 | 53 | +10 | 60 |
| 6 | Bournemouth | 38 | 13 | 18 | 7 | 58 | 54 | +4 | 57 |
| 7 | Sunderland | 38 | 14 | 12 | 12 | 42 | 48 | -6 | 54 |
| 8 | Brighton | 38 | 14 | 11 | 13 | 52 | 46 | +6 | 53 |
| 9 | Brentford | 38 | 14 | 11 | 13 | 55 | 52 | +3 | 53 |
| 10 | Chelsea | 38 | 14 | 10 | 14 | 58 | 52 | +6 | 52 |
| 11 | Fulham | 38 | 15 | 7 | 16 | 47 | 51 | -4 | 52 |
| 12 | Newcastle | 38 | 14 | 7 | 17 | 53 | 55 | -2 | 49 |
| 13 | Everton | 38 | 13 | 10 | 15 | 47 | 50 | -3 | 49 |
| 14 | Leeds | 38 | 11 | 14 | 13 | 49 | 56 | -7 | 47 |
| 15 | Crystal Palace | 38 | 11 | 12 | 15 | 41 | 51 | -10 | 45 |
| 16 | Nott. Forest | 38 | 11 | 11 | 16 | 48 | 51 | -3 | 44 |
| 17 | Tottenham | 38 | 10 | 11 | 17 | 48 | 57 | -9 | 41 |
| 18 | West Ham | 38 | 10 | 9 | 19 | 46 | 65 | -19 | 39 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
