Elmar Atli Garðarsson.
Elmar Atli Garðarsson, fyrirliði Vestra, getur spilað í næstu umferð Bestu deildarinnar eftir að hafa setið af sér leikbann.
Elmar Atli var í mars dæmdur í tveggja mánaða bann frá fótbolta eftir að hafa brotið veðmálareglur.
Elmar Atli var í mars dæmdur í tveggja mánaða bann frá fótbolta eftir að hafa brotið veðmálareglur.
Hann veðjaði á leiki í keppnum sem Vestri tók þátt í; leiki í Bestu deildinni, leiki í Lengjubikarnum og leik í Mjólkubikarnum. Það er bannað samkvæmt reglum. Alls voru leikirnir 36 sem hann veðjaði á, en hann veðjaði aldrei á leiki Vestra.
Það voru reglur sem ég braut og ég þarf bara að taka afleiðingunum," sagði Elmar Atli við RÚV þegar dómurinn var kveðinn upp.
Vestri hefur leikið frábærlega í sumar og er í öðru sæti Bestu deildarinnar með 13 stig. Næsti leikur liðsins er heima gegn Stjörnunni á laugardag.
Athugasemdir
