Jökull Andrésson fagnar með stuðningsmönnum.
Áhorfendamet var sett á heimavelli Aftureldingar, Malbikstöðinni að Varmá, þegar Afturelding vann KR 4-3 í Bestu deildinni á sunnudag.
1.180 áhorfendur mættu á leikinn og var fyrra met slegið um tæplega 200 áhorfendur. Fyrra metið var sett þegar Afturelding vann Víking 1-0 fyrr í sumar.
1.180 áhorfendur mættu á leikinn og var fyrra met slegið um tæplega 200 áhorfendur. Fyrra metið var sett þegar Afturelding vann Víking 1-0 fyrr í sumar.
Lestu um leikinn: Afturelding 4 - 3 KR
Alls eru sæti fyrir 700 áhorfendur á Malbikstöðinni að Varmá og voru þau þétt setin löngu áður en leikurinn hófst. Áhorfendur stóðu síðan á öllum lausum blettum, sátu ofan á húsþökum og klifruðu ofan á auglýsingaskilti til að geta fylgst með þessum stórskemmtilega leik.
Fyrir leikinn var frábær upphitun í Hlégarði og mikið stuð á leiknum en Afturelding hefur gert afskaplega vel í búa til skemmtilega umgjörð og stemningu á heimaleikjum sínum.
Athugasemdir
