Guðni Bergsson formaður KSÍ.
KSÍ hefur auglýst starf yfirmanns fótboltamála laust til umsóknar. Um er að ræða nýtt stöðugildi innan KSÍ.
Umrætt starf hefur mikið verið í umræðinni síðan Guðni Bergsson talaði um að setja það á laggirnar fyrir tæplega tveimur árum, þegar hann sóttist eftir formennsku KSÍ.
Umsóknarfrestur er til 15. nóvember.
Umrætt starf hefur mikið verið í umræðinni síðan Guðni Bergsson talaði um að setja það á laggirnar fyrir tæplega tveimur árum, þegar hann sóttist eftir formennsku KSÍ.
Umsóknarfrestur er til 15. nóvember.
Yfirmaður knattspyrnumála staðan auglýst. Ég tel þetta muni efla okkar starf enn frekar innan KSÍ og koma aðildarfélögunum til góða. Spennandi tímar framundan í íslenskum fótbolta👊🇮🇸#fyrirIsland #Fotboltinet
— Guðni Bergsson (@gudnibergs) October 25, 2018
Auglýsing KSÍ:
Starf yfirmanns knattspyrnumála
Knattspyrnusamband Íslands, KSÍ, auglýsir laust til umsóknar starf yfirmanns knattspyrnumála.
Yfirmaður knattspyrnumála/Yfirmaður knattspyrnusviðs:
• Yfirmanni knattspyrnumála ber að efla faglegt starf KSÍ á knattspyrnusviði sambandsins og heyrir undir framkvæmdastjóra.
• Ábyrgur fyrir samræmingu og framþróun á vinnubrögðum við þjálfun landsliða og ber að sjá til þess að sú þekking sem er innan KSÍ nýtist íslenskri knattspyrnu sem best.
• Vinnur að því að efla faglega þekkingu og framþróun á knattspyrnusviði sambandsins þannig að sviðið standist alþjóðlegan samanburð. Umsjón og eftirfylgni með markmiðasetningu því tengdu og vinnur að nýrri afreksstefnu sambandsins
• Yfirumsjón með samskiptum við aðildarfélög sambandsins og yfirþjálfara þeirra þegar kemur að eflingu og stuðningi við þeirra faglega starf.
• Starfar með landsliðsnefndum, fræðslunefnd og mótanefnd KSÍ ásamt öðrum fastanefndum eftir atvikum
• Tengiliður við erlend knattspyrnufélög og önnur knattspyrnusambönd ásamt UEFA og FIFA.
• Fræðsludeild innan handar við skipulagningu viðburða og útgáfu fræðsluefnis í nafni KSÍ.
• Aðkoma að áætlanagerð og skipulagningu við rekstur landsliðanna ásamt ráðningu þjálfara KSÍ.
Hæfiskröfur:
UEFA A gráða skilyrði, UEFA Pro æskileg.
Hæfni í mannlegum samskiptum
Reynsla af þjálfun og/eða stjórnun
Leiðtogahæfileikar æskilegir
Góð þekking á íslenskri knattspyrnu
Góð tölvukunnátta nauðsynleg
Góð tungumálakunnátta
Umsóknir sendist á netfangið [email protected]
Umsóknarfrestur er til og með 15. nóvember 2018.
Nánari upplýsingar veitir framkvæmdastjóri KSÍ – Klara Bjartmarz í síma 510-2900
Athugasemdir
