Joey Barton stjóri Fleedwood hefur margsannað að hann er snarruglaður og til að bæta gráu ofan á svarta sögu sína í ljótum atvikum réðist hann á Daniel Stendel stjóra Barnsley eftir leikinn.

Við höfum áður sagt frá því að lögregla hindraði för Barton frá vellinum eftir leik en nú er komið í ljós að Cauley Woodrow framherji Barnsley tísti eftir leikinn um atvikið og varpaði ljósi á málið. Tíst sem nú er búið að eyða.

„Til að byrja með er ógeðslegt að Fleedwood skuli vera með stjóra sem ræðst líkamlega á annan stjóra í göngunum. Þetta olli því að blóð flæddi úr andliiti hans!! Svona fólk á ekki skilið að vera í fótboltanum, þú ert ofbeldismaður. En í öðru lagi þá var þetta frábær sigur," sagði Woodrow eftir leik.