Neymar bauðst til þess að borga sjálfur 20 milljónir evra úr eigin vasa til þess að komast frá Paris Saint-Germain til Barcelona.
Þetta herma heimildir Sky Sports.
Þetta herma heimildir Sky Sports.
Bryan Swanson á Sky segir hins vegar að Barcelona hafi ekki náð samkomulagi við Paris Saint-Germain og því er allt útlit fyrir að hann verði áfram í frönsku höfuðborginni.
Neymar lék með Barcelona áður en hann fór til PSG sumarið 2017 á það sem er enn metfé í heiminum (220 milljónir evra). Hann hefur í sumar reynt að komast frá Frakklandi, aftur til Spánar.
Hinn 27 ára gamli Neymar hefur enn ekkert spilað með PSG á tímabilinu vegna óvissu um framtíð hans, en Swanson segir að Brasilíumaðurinn ætli sér að heiðra samning sinn og skyldur hjá PSG.
Hann mun á morgun fljúga til Miami þar sem hann kemur til móts við brasilíska landsliðið.
NEW: We’re told Neymar agrees to stay at Paris Saint-Germain after club fails to reach agreement with Barcelona. Intends to fulfil remainder of PSG contract & commitments. Due to fly to Miami tomorrow to join Brazil squad. #SSN
— Bryan Swanson (@skysports_bryan) August 31, 2019
Athugasemdir