Alfreð Elías Jóhannsson, þjálfari Selfyssinga
Alfreð Elías Jóhannsson, þjálfari Selfoss í Pepsi Max deild kvenna, var auðvitað sáttur með 1-0 sigurinn á Fylki í dag.
Lestu um leikinn: Selfoss 1 - 0 Fylkir
Hólmfríður Magnúsdóttir gerði eina markið í upphafi leiksins og þá var vörn Selfyssinga afar þétt.
„Það er hárrétt. Við vorum að spila á móti góðu Fylkisliði og greinilgea búið að vera að gera mikið af góðum hlutum þar með sínar ungu góðu stelpur en við vorum samt betri aðilinn í dag fannst mér og stjórnuðum leiknum," sagði Alfreð Elías við Fótbolta.net.
„Við erum með visst plan í gangi en það hefur kannski farið aðeins fram úr sér. Það er bara gaman þegar gengur vel og við verðum að halda okkur á jörðinni og reyna að spila betur í næsta leik en það er bara svo lítið eftir af þessu móti, væri til í að hafa 32 umferðir."
Alfreð var ánægður með frammistöðu varnarinnar en hann ræddi þar um tvo leikmenn sem Selfossliðið náði að halda í skefjum.
„Við lokuðum á styrkleika þeirra. Ída er mjög góð og Barbára var með hana í rassvasanum í dag. María er líka mjög góð og planið var að loka á þær og það gekk bara mjög vel."
Selfoss varð bikarmeistari á dögunum og er nú í 3. sæti deildarinnar en er hægt að toppa þann árangur?
„Við sjáum hvað gerist á næstu dögum og erum að spjalla saman og sjá hvað framhaldið býr í brjósti," sagði hann í lokin.
Athugasemdir
