Hjalti Sigurðsson er á heimleið.
Hjalti Sigurðsson hefur leikið sinn síðasta leik fyrir Leikni í Breiðholti en hann mun ganga í raðir KR fyrir næsta tímabil samkvæmt heimildum Fótbolta.net.
Þessi fjölhæfi 23 ára leikmaður getur leikið bæði á vörn og á miðju en hann hefur alls tekið þátt í sex tímabilum með Leikni. Upphaflega kom hann á láni frá KR, sem er hans uppeldisfélag.
Hjalti hefur leikið sinn síðasta leik á þessu tímabili þar sem hann er farinn út í nám. Hann mun því ekki hjálpa Leikni frekar en liðið berst um að halda sæti sínu í Lengjudeildinni.
Þessi fjölhæfi 23 ára leikmaður getur leikið bæði á vörn og á miðju en hann hefur alls tekið þátt í sex tímabilum með Leikni. Upphaflega kom hann á láni frá KR, sem er hans uppeldisfélag.
Hjalti hefur leikið sinn síðasta leik á þessu tímabili þar sem hann er farinn út í nám. Hann mun því ekki hjálpa Leikni frekar en liðið berst um að halda sæti sínu í Lengjudeildinni.
KR-ingar hafa verið að vinna í því að endurheimta uppalda leikmenn sem hafa verið að spila annars staðar. Mikið hefur verið fjallað um að Ástbjörn Þórðarson og Gyrðir Hrafn Guðbrandsson séu á leið aftur í Vesturbæinn frá FH.
Þá hefur KR rætt við Óliver Dag Thorlacius, leikmann Fjölnis, en það hefur Fótbolti.net fengið staðfest. Hann er einnig uppalinn hjá KR-ingum.
Athugasemdir
