Ísak Bergmann Jóhannesson lagði upp mark fyrir Norrkoping í dag sem spilaði við Orebro í sænsku úrvalsdeildinni.
Ísak er orðinn afar mikilvægur hlekkur í liði Norrkoping og lagði upp annað -mark liðsins í sannfærandi 3-0 sigri.
Þetta var annar sigur Norrkoping í röð eftir 2-1 sigur á Halmstad í síðustu umferð. Liðið er með sjö stig eftir fjóra leiki.
Í leik Halmstad og Gautaborg þá var Kolbeinn Sigþórsson í byrjunarliði þess síðarnefnda.
Leiknum lauk með 1-1 jafntefli á heimavelli Halmstad og spilaði Kolbeinn allan leikinn fyrir Gautaborg.
Í sænsku B-deildinni lék Böðvar Böðvarsson allan leikinn fyrir Helsingborg sem vann 1-0 heimasigur á Eskilstuna.
Helsingborg er taplaust eftir fjóra leiki og er með átta stig.
Bjarni Mark Antonsson lék einnig með liði Brage í sömu deild sem tapaði 1-0 gegn Vasalunds.
Athugasemdir