Elín Metta Jensen kom inn á sem varamaður í seinni hálfleik þegar Ísland vann þægilegan sigur á Hvíta-Rússlandi í undankeppni HM í kvöld.
„Mér fannst þessi leikur mjög góður af okkar hálfu," sagði Elín Metta eftir leik.
„Mér fannst þessi leikur mjög góður af okkar hálfu," sagði Elín Metta eftir leik.
Lestu um leikinn: Ísland 6 - 0 Hvíta-Rússland
„Það var flott liðsheild inn á vellinum í dag, ég er mjög ánægð með þetta."
Var hún svekkt með að ná ekki að skora?
„Já, en ég átti þátt í einhverjum mörkum og það var gaman að hjálpa liðinu þó ég hafi sjálf ekki sett mark. Það kemur bara næst," sagði sóknarmaðurinn öflugi.
Það hafa verið einhverjar gagnrýnisraddir um það hvort Elín Metta eigi heima í hópnum eða ekki, en hún hefur verið í varahlutverki hjá Val að undanförnu.
„Fólk má bara hafa sínar skoðanir. Ég hef gaman að því að vera í fótbolta. Ef landsliðsþjálfarinn ákveður að velja mig þá er það heiður," sagði Elín Metta en allt viðtalið er í spilaranum hér fyrir ofan.
Sjá einnig:
„Skil ekki alveg að velja Elínu Mettu á þeim stað sem hún er núna"
Athugasemdir